أوبريت الكتب تأليف د / نجوى محمد سلام

إ
أوبريت الكتب تأليف د / نجوى محمد سلام

المجموعة : يلا نلعب فى الجنينة

قبل ما ييجى الديب علينا

راح نلعب نلعب وهنلعب لحد جسمنا منه مايتعب

إحنا ما صدقنا خلصنا دراستنا يا بلادى

ونتيجتنا طلعت ونجحنا ما صدقنا السنادى

وجينا هنا نلعب ونغنى طول أجازتنا

نجرى ونلعب نجرى ونلعب جنب بيتنا

البائع : صندوق الدنيا فى لحظة وثانية هتشوف العالم من حواليك

قرب وتعالى وبلاش تتعالى قرب وتعالى وشوف بعنيك

المجموعة : عم يا بياع

البائع : عايزين إيه ؟

المجموعة : ورينا معاك كده إيه فى إيديك ؟

البائع : معايا البالونات وأشكال وألوان مختلفة من كل اللعبات

وكور بأحجام مختلفة نلعبها على البلاجات

إيشى يد كمان وإيشى طايرة وقدم ع الأرض أهى حايرة بين صبيان وبنات

ومعايا صندوق يا ولاد لو تشفوه هاتزوروا بلاد

مليانه عجايب وغرايب وأنتم قاعدين ع السجاد

المجموعة : أنت فاكرنا مش فاهمين

دى صندوق مرمى بوشين

أنت بس عايزنا نيجى ونقرب ونكون حواليك

البائع : طيب واحد واحد منكوا يقوللى هو عايز إيه

وأنا بسهولة أحققهوله وأجيبهوله كل اللى أنتوا تقولوا عليه

الطفلة 1: أنا عايزة بلونة مجنونة تلف الكون وأنا ألف معاها

الطفلة 2 : وأنا عايزة كرة يد يا عمو

المجموعة : وإحنا فريق نلعب وياها

الطفلة 3 : وأنا عايزة فى إيدى كرة طايرة تطير تطير زى فراشة حايرة

تطير تطير ومانيش شايفاها

الطفلة 4 : وأنا عايزة قدم برجلى أشوطها

الطفلة 5 : وأنا سلة بسرعة أنططها ولفريقى قوام راح أشقطها ما هو ممنوع أفضل شايلاها

الطفلة 6 : وأنا غيركوا أنا عايزة عروسة

الطفلة 7 : وأنا دبدوب طولة متر وبوصة

الطفلة 8 : وأنا عوامة فى البحر تشيلنى وبرة المية أفضل حملاها

البائع : إهدوا إهدوا الصبر شوية وواحد وواحدة إهدوا عليهّ

كل طلباتكوا دى ويايا بإيدى حاططها أنا جوة الشنطة

ومعايا جوه الشنطة كتاب

المجموعة : لالالالالاكفيانا عذاب

طول السنة نقرى ونذاكر

بابا يقول ذاكروا يالله ذاكروا

ماما تقول ذاكروا ما تذاكروا

لما اتعقدنا فى مدارسنا وكرهنا كتبنا وكرارسنا وأبلتنا ويا مدرسنا

والحب اللى ما بينا فى لحظة غاب من كتر عذابنا تاه وداب

وأملنا فى تحقيق أحلامنا فى عيونا دى أمل كداب

ما تتعشمشى نقول يا كتاب

راح نلعب نلعب وهنلعب أصل اللعب يا ناس دى جميل

طول السنة نتعب ونذاكر فى دروس م الصبح لبليل

كده درس رياضة ووراه دراسات

وبعد الظهر دى درس علوم والعربى دى عايزله ساعات

البائع : خلاص فهمت كل طلباتكوا هانفذها أنت مثلا عايز إيه ؟

الطفل 1 : عايز إيه ؟ عايز إيه ؟

عايز ألعب أنا طول يومى من أول صحيانى لنومى

لا دروس تشغل بالى وعقلى ولا أبلة تزودللى همومى

البائع : حاضر حاضر راح ألبيلك

طلبك ولا لعبة هاأخبيلك

قولوا معايا

المجموعة : هنقول إيه ؟

البائع : حطة يا بطة يا فلفل شطة

زارتنا فراشة فى إيديها شنطة

قالت أنا ماشية هناك على طنطا

أزور وأدور فى ألف محطة

مين يسبقنى فى عشرين نطة ؟

المجموعة : يكرروا حتى يتعبوا

البائع : وأنت تعالى قرب منى

قول على طلبك قول طمنى

قول ماتخبيش عايز إيه ؟

الطفل 2 : عايز إيه ؟ عايز إيه ؟

عايز بنبونى وشيكولاته

طول اليوم من عم شحاته

أفضل آكل وآكل وآكل مرة وإتنين وتلاتة

لا بابا يقوللى ماعييش ولا ماما تصرخللى مافيش

البائع : كل شيكولاته وكل فى لبان

ومصاصة وبنبونى كمان

كل على قد ماتقدر لكن ماتلومنيش لو جيت تعبان

الطفل 2: آه يا بطنى وآه يا سنانى حرمت آكل شيكولاته تانى

المجموعة : تضحك جدا ّ

البائع : وأنت تعالى وقوللى يا سكر عايز إيه من غير ماتفكر ؟

الطفل 3 : عايز أنام وانام وأنام وأفضل كده على طول كسلان

البائع : ودروسك إمتى تذاكرها ؟

الطفل 3 : ما لسه بدرى ع الإمتحان

تأتى طالبة ومعها النتيجة مكتوبة صفر فى كل المواد

المجموعة : تضحك جدا ّ

البائع : وأنت يا اللى واقف بعيد فى إيد كتاب وكتاب فى إيد عايز إيه ؟

الطفل 4: عايز إيه يا خيالى يا فاضى عايز أشوف إنسان م الماضى

عالم أو دكتور أو قاضى ( بعد تفكير ) عايز مصطفى كامل حاضر

البائع : عايز مصطفى كامل حاضر لحظة فى ثانية تشوفه يا شاطر

( يفتح صندوق بجواره ويخرج منه مجموعة من الأطفال يمثل كل طفل منهم دور كتاب من الكتب )

يخرج كتاب اللغة العربية ليتحدث عن نفسه ، تندهش مجموعة الأطفال التى كانت تلعب فى الجنينة وتقف منتبهة لتسمع حديث كل كتاب عن نفسه .

كتاب اللغة العربية :

• إقرأ كانت البداية وهنا تبدأ الرواية

• لغتى كرمها الله أعطاها من بهاه

[b]• إقرأ ... إقرأ ..... إقرأ ......إقرأ ..... إقرأ

[b]• إقرأ باسم الرحمن اللى علا البنيان

[b]• وخلق لغتى جميلة وحلوة هى لغة القرآن

[b]• إقرأ ... إقرأ ..... إقرأ ......إقرأ ..... إقرأ

[b]• أنا كتاب أفكار مليان بقواعد نحو الإنسان

[b]• عندك كان وأخواتها ومعاهم إن كمان

[b]• جاية ومعاها إخواتها بتنادى على أخوات كان

[b]• فاعل الجملة عارفينه والمفعول به حافظينه

[b]• وأركان التشبيه فهمنها لو راح نوصف إنسان

[b]• : إقرأ ... إقرأ ..... إقرأ ......إقرأ ..... إقرأ

[b]•

[b]الطفل 4 : ياه على فكرى وياه على عقلى

عقلى بيكبر متهيألى كل ما بأرى عقلى بيكبر والدنيا فى عينى بتضحكلى

فى الدنيا أنا كنت إمبارح عايش فيها تمللى وخايف

الجهل دى شئ صعب وجارح وآثاره أهى قدامى شايف

لكن لما قريت وفهمت م الدنيا دى أنا إتعلمت

حرف وحرف يكونوا كلمة وكلمة وكلمة صبحوا جملة

وجملة وجملة بقت مواضيع بقيت مثقف عند الجميع

بيسمعوا رأىّ وياخدوه وينفذوه ودى شئ بديع

يخرج كتاب الدراسات ليتحدث عن نفسه ، تندهش مجموعة الأطفال التى كانت تلعب فى الجنينة وتقف منتبهة لتسمع حديثه عن نفسه .

[b]كتاب الدراسات : أحداث مشاهير مشاهير أحداث

نلقاها كتير عن البلدان والناس

شاهد ع الأحداث أنا شاهد وماسبتش والله ولا واحد

إلا بين أوراقى كتبته للدنيا بذمة وإخلاص

أقوال أفعال أخبار عن زعماء ثوار أحرار

عاشوا مابينا رغم رحيلهم عايشين بيهم ليل ونهار

اللى ضحوا بروحهم لينا واللى بنونا بالأفكار

علشان حرية أراضينا لجل وطن مرفوع الراس

الطفل 4 : ياه على فكرى وياه على عقلى

عقلى بيكبر متهيألى كل ما بأرى عقلى بيكبر والدنيا فى عينى بتضحكلى

فى الدنيا أنا كنت إمبارح عايش فيها تمللى وخايف

الجهل دى شئ صعب وجارح وآثاره أهى قدامى شايف

لكن لما قريت وفهمت م الدنيا دى أنا إتعلمت

حرف وحرف يكونوا كلمة وكلمة وكلمة صبحوا جملة

وجملة وجملة بقت مواضيع بقيت مثقف عند الجميع

بيسمعوا رأىّ وياخدوه وينفذوه ودى شئ بديع

يخرج كتاب الحساب ليتحدث عن نفسه ، تندهش مجموعة الأطفال التى كانت تلعب فى الجنينة وتقف منتبهة لتسمع حديثه عن نفسه .

كتاب الحساب : يا الله تعالى قرب منا نفهمك وأنت كدة ما بينا

مد إيدك تبقى معانا تكسب فاكهة فيها بنانا

قرب جرب إجمع وإطرح إقسم وإضرب

عندك واحد وكمان واحد

الطفل : يبقوا إتنين

الأرقام : محلاك ويانا

إجمع يا الله تعالى وإطرح

راح يبقالك ما بينا مطرح

يا الله تعالى نعد قوام دى عالمنا دى عالم أرقام

أرقام كتيرة سهلة ويسيرة

12345678910

الطفل 4: ياه على فكرى وياه على عقلى

عقلى بيكبر متهيألى كل ما بأرى عقلى بيكبر والدنيا فى عينى بتضحكلى

فى الدنيا أنا كنت إمبارح عايش فيها تمللى وخايف

الجهل دى شئ صعب وجارح وآثاره أهى قدامى شايف

لكن لما قريت وفهمت م الدنيا دى أنا إتعلمت

حرف وحرف يكونوا كلمة وكلمة وكلمة صبحوا جملة

وجملة وجملة بقت مواضيع بقيت مثقف عند الجميع

بيسمعوا رأىّ وياخدوه وينفذوه ودى شئ بديع

كتاب اللغة الإنجليزية

• إنجليزية إنجليزية حروفى حلوة جميلة شقية

[b]• تعالوا يا الله معايا قولوها راح نتعلمها للزمان

[b]• تفاحة تاكلها APPLE

[b]• كورة تشقطها Ball

[b]• قطة قطقوطة Cat

[b]• كلب الجيران Dog

[b]• بيضة محلاها Egg

[b]• سمكة فى المية Fish

[b]• هدية جنان Gift

[b]• حصان كده يجرى Horse

[b]• من بدرى Iove You

[b]• إقفز معايا Jump

[b]• طيارة ألوان Kite

[b]• قمر فى العالى Moon

[b]• عيشى يحلالىN nest

[b]• دى برتقان Orange

[b]• فقير نرعاه poor

[b]• ملكة محلاها Queen

[b]• أرنب سريع Rabbit

[b]• نجم حيران Star

[b]• لعبة نلعبها Toy

• شمسية حلوة Umbrella

[b]• فيوليت آلة موسيقية V

[b]• شباك كمانWindow

[b]• إكسليفون أعزفها X

[b]• أنططها Y oyo

[b]• حديقة حيوان Zoo

[b]كتاب العلوم

• أنا كتاب العلوم بتجدد كل يوم

[b]• علمائى بين أوراقى العلم سلاحنا الباقى

[b]• أديسون وزويل دول هزموا الليل [/b]

[b][b]• ليل الجهل بعلمى اتحدوه صبحوا لأهل العلم سبيل [/b][/b]

[b][b]• دى نيوتن اتوصل بصراحة لقوانين جاذبية بتفاحة [/b][/b]

[b][b]• وأرشميدس نظرياته لقوانين طفو أجسامنا دليل [/b][/b]

[b]

[b]كتاب التربية الفنية

• ألوان ألوان ألوان دنيايا فرشة وألوان

[b]• ارسم شجرة وشمس بتسطع وتحت الشجرة جلس إنسان

[b]• من حر الشمس بيدارى وفى إيده سبحه وقرآن [/b]

[b][b]• وعصفور فوق الشجرة يغنى بيعزف ويقول ألحان [/b][/b]

[b][b]• وسحاب فوق فى السما فى العالى لونه كده صافى وحاجة جنان [/b][/b]

[b][b]• يا الله تعالى معايا إتعلم إمسك قلمك قول إتكلم [/b][/b]

[b][b]• أحاسيس على ورقة ومشاعر تصبح لوحة بإيد فنان [/b][/b]

[b]

[b]يخرج كتاب التربية الرياضية ليتحدث عن نفسه ، تندهش مجموعة الأطفال التى كانت تلعب فى الجنينة وتقف منتبهة لتسمع حديثه عن نفسه .

[b]التربية الرياضية : هيلا هيلا يا الله يا صحابنا هاتوا إيديكوا فى إيدينا

نتعلم فى حصص ألعابنا رياضة هتقوينا

فى حصص تربية رياضية نتعلم لياقة بدنية

نتعلم تمارين تمارين بمهارة ونكون شاطرين

خمسة تمارينا المعروفة نقولها مع بعضينا

أولها راح نجرى ونجرى علشان نلحق يومنا بدرى

راح نجرى ونجرى فى مكاننا مين يقدر يجرى ويسبقنا

قدامنا 15 ث هما بس اللى قدامنا

هنعد وعدوا بصوت عالى خلوا قمرنا فى ليلنا يلالى والفوز بعديها يكون لينا

هيلا هيلا يا الله يا صحابنا هاتوا إيديكوا فى إيدينا

نتعلم فى حصص ألعابنا رياضة هتقوينا

فى حصص تربية رياضية نتعلم لياقة بدنية

نتعلم تمارين تمارين بمهارة ونكون شاطرين

خمسة تمارينا المعروفة نقولها مع بعضينا

.والتانى تمرين بينادى جرى كمان لكن إرتدادى

جاى بعيد بينادى علينا

هيلا هيلا يا الله يا صحابنا هاتوا إيديكوا فى إيدينا

نتعلم فى حصص ألعابنا رياضة هتقوينا

فى حصص تربية رياضية نتعلم لياقة بدنية

نتعلم تمارين تمارين بمهارة ونكون شاطرين

خمسة تمارينا المعروفة نقولها مع بعضينا

وتمرينا التالت هنقوله وثب عريض ولابد ننوله

بكل نشاط جينا نأديه وسعادة باينة فى عنينا

هيلا هيلا يا الله يا صحابنا هاتوا إيديكوا فى إيدينا

نتعلم فى حصص ألعابنا رياضة هتقوينا

فى حصص تربية رياضية نتعلم لياقة بدنية

نتعلم تمارين تمارين بمهارة ونكون شاطرين

خمسة تمارينا المعروفة نقولها مع بعضينا

ورابعهم جلوس من رقود فى 30 ث نقوم ونعود

من غير حلفان ولا وعود بشطارة كدة هتحيينا

هيلا هيلا يا الله يا صحابنا هاتوا إيديكوا فى إيدينا

نتعلم فى حصص ألعابنا رياضة هتقوينا

فى حصص تربية رياضية نتعلم لياقة بدنية

نتعلم تمارين تمارين بمهارة ونكون شاطرين

خمسة تمارينا المعروفة نقولها مع بعضينا

وتمرينا الخامس عارفينه انبطاح مايل شايفينه

بنأديه وبكل بساطة والفرحة ماليه ليالينا

واللازمة

المجموعة مع الكتب :

هيلا هيلا يا الله يا صحابنا هاتوا إيديكوا فى إيدينا

نبنى مستقبلنا الغالى ونحقق أمانينا

مصرنا نادت قامت قالت علوا بإيدكوا آمالى

وازرعوا وارووا صنعوا وابنوا وحققوا نصرى الغالى

شمسى تظهر تسطع ليكوا وقمرى فى ليلكوا يلالى

وربنا يرضى علينا تمللى ويبارك خطاوينا

هيلا هيلا يا الله يا صحابنا هاتوا إيديكوا فى إيدينا

نبنى مستقبلنا الغالى ونحقق أمانينا

طول ما قلوبنا على بعضينا إيه هيأثر فينا

الصعب عشانا حيتحول سهل تشوفه عنينا

وبكرة يقرب أكثر لينا وتغنيه ليالينا

هيلا هيلا يا الله يا صحابنا هاتوا إيديكوا فى إيدينا

نبنى مستقبلنا الغالى ونحقق أمانينا

بعد ما كنا بنحلم يصبح حلمنا أحلى حقيقة

ونهارنا ملحمة يعزفها عملنا فى مستقبلنا

وعلمنا فى سمانا يعلى يرفرف فوق فى العالى

يفرح بجهودنا وعملنا ومصرنا تفرح بينا

هيلا هيلا يا الله يا صحابنا هاتوا إيديكوا فى إيدينا

نبنى مستقبلنا الغالى ونحقق أمانينا

المجموعة : يا محلى كتبنا وهى بتنادينا بتقول يا الله تعالوا بتنادى علينا

نتعلم نقرى ونكتب وتنور بيها ليالينا

العلم نور العلم نور إتعلم علم تعيش مسرور

راح تلقى الدنيا حتة من الجنة ربيع على طول مليان بزهور بتلألأ جواه أسامينا

يا محلى كتبنا وهى بتنادينا بتقول يا الله تعالوا بتنادى علينا

نتعلم نقرى ونكتب وتنور بيها ليالينا

ربنا قال وصانا اتعلموا وإقروا كتير

المعرفة شجرة كبيرة وبحر العلم كبير

بينا نقطف من أوراقها ويصبح عندنا تفكير

نتميز بيه عن غيرنا نتميز عن بعضينا

يا محلى كتبنا وهى بتنادينا بتقول يا الله تعالوا بتنادى علينا

نتعلم نقرى ونكتب وتنور بيها ليالينا

يا ما ناس راحت وخبرهم كان بقوا بالنسبالنا كان يا ما كان

ما إحناش فاكرين عنهم ولا حاجة ولا إسم كان ولا حتى مكان

لكن علماءنا تمللى معانا عايشين بيهم عايشين جوانا

عايشين عايشين طول الأزمان نجوم مصابيح عايشة فى ليالينا

يا محلى كتبنا وهى بتنادينا بتقول يا الله تعالوا بتنادى علينا

نتعلم نقرى ونكتب وتنور بيها ليالينا[/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b]

بارك الله فيك
لاتقطعي عنا رحيقك أيتها الفراشة الحالمة
ولاتكفي عن تلك الأحلام

أشكر لك تعليقك
أيها الضوء الشارد
ويسعدنى جداً أن تنال كتاباتى اعجابكم

» أوبريت الكتب تأليف د / نجوى محمد سلام
» جيت يا مصر شعر د / نجوى محمد سلام
» مصر مين ؟ شعر د / نجوى محمد سلام
» اصحى يا شعب شعر د/ نجوى محمد سلام
» عصر السلام ..... شعر د / نجوى محمد سلام