جيت يا مصر فى إيدى شايل ميت هدية وميت هدية
هدية للى عبر وعدى ينصر الخير للبرية
جيت فى إيدى وسام لبلدى تحمى بيه كل الرعية
أصل بلدى عايشة دايما رافعة راية الإنسانية
جيت يا مصر
جيت أغنى كمان وأهنى يوم ما فزتى على الأعادى
جيت أبارك لك يا أمى ما أنت أمى يا بلادى
جيت جايبلك كل حاجة أملكها حتى روح ولادى
رحت أحارب بس خايف يوم ما أموت تنسى ميلادى؟
لا ماخفتش إن ممكن يوم ما أعودلك أبقى محمول ع الأيادى
يومها تبقى أم الشهيد يومها يحميكى جهادى
جيت يا مصر
جيت رافع علمك ورايتك رافعه بحياتى ودمى
أصل إن تعيشى حرة هو دى كان كل همى
كنت عارف اللى يحميكى يا بلدى يبقى علمى
كنت أشوفك كل ليلة ملاك بيؤمرنى فى حلمى
إنى أخلد اسمك الغالى واسمى
إن أعيش فى الدنيا مالك دنيتى وفى إيدى حكمى
يومها مصر تغنى لحنى لما أعزف أحلى نغمى
جيت يا مصر
