ماقولتش الآهه فى الحب ............. لكن قولتها فيكى
يا نبض قلبى وشريانه بناديكى
تعيشى يا مصر
وكل لحظة عليكى تمر دايما نصر
يا أم الهرم والجدود يا كرم مالهش حدود
يا نيل بميته إرتوينا يا أم محتاج ليكى
******************
ما قولتش الآهه فى الحب ............لكن فيكى قايلاها
يا سنين حنان عشتها جواكى مانساها
يا بحور أمان بينا فى التوهه بالقاها
فيكى المحبة محبة حاسه وشايفاها
دايما تناديكى
*****************
ما قولتش الآهه فى الحب ............لكن فى حبك أنا غنيت
يا سكن وسكنى وسكينة أم وأب و بيت ضمتنا أركانه
يا قلب مع كل دقه يحيينا شريانه
فيضان وهاج فى الميدان يكتب فى كل زمان
لابد يوم ينتهى الظلم وأعوانه
خفافيش ظلامنا تدوب والحب يملى القلوب
والعدل يعلى ويعلى تتساوى كفة ميزانه
ناديتى يا ولادى عزى بسرعة انا لبيت
*******************
ما قولتش الآهه فى الحب .............لكن على إديكى أنا
اتعلمت
مع كل ندهة أدان إزاى يكون الإيمان
إزاى تكون السماحة والحب بين الجيران
مهما الديانة اتنوعت مسلم مسيحى يهودى الدين دى للديان
هو اللى يؤمر وينهى يحاسبنا ع الأديان
الأصل واحد إله الله فى كل زمان
ووطنا واحد ضممنا جواه تعيشوا فى أمان
